قـّوآنيــن المنتدى .. { هـآم } ~

من طرف **منة حازم** الأربعاء أغسطس 27, 2014 12:49 pm

أرجو منك مراعاة القواعد الآتية حفاظا على سمآت المنتدى العام وعلى نظامه

الموضوع دة هيوضح لك الأسس العامة للمنتدى

وهيحافظ على خصوصيتك .. بس أرجو الإلتزام

- منتدانا اسلامي .. بس مش معنى كده ان المسلمات بس اللي ينفع يشتركوا

لا كلنا لينا مكان في المنتدى

بس يا بنوته لو انتي مش مسلمة ما ينفعش تنشري اي حاجة عن دينك

او تدعي الناس ليه

ولو كده هنأسف ليكي وهنحظرك .. وياريت تتقبلينا

- الحرية الشخصية في التعبير أمر مكفول للجميع ..

بس في المقابل المفروض تتقبلي الرأي الآخر وتحترميه . لأن الاختلاف سنة من سنن الله الكونية.

- الاشتراك في الموقع للنساء فقط، واشتراك الرجال في الموقع غير مقبول أبدا

ولو لقيتي راجل دخل الشات أو حد شاكة فيه برجاء عدم الرد عليه وابلاغي أو أي من المشرفات

- محتوى الموقع متاح لكل الناس زي ما انتو عارفين ..

في الموقع وفي محركات البحث (جوجل)

وغير قاصر على عضوات المنتدى

فبرجو منك إدراك ذلك قبل كتابة الموضوعات

وياريت ما تتكلميش عن خصوصياتك

- يفضل أن يكون اسمك في المنتدى رقيقً

وأسماء الرجالة لا يُسـمح بهـآ في المنتدى

- يفضل أن تكون كلمة مرورك صعبة بحيث محدش يقدر يتوقعها ..

عشان تقدري تحافظي على حسابك

- قبل كتابة موضوع احرصي على مراجعة قوانين القسم اللي هتكتبي فيه

وهي بتبقى مثبته في كل الأقسام

عند كتابة المواضيع :

*المفروض يكون عنوان موضوعك دال على محتواه

* احرصي على تنسيق موضوعك، وعرضه بطريقة مناسبة .. عشان العضوات يتابعوكي

* ممنوع تكرار المواضيع .. لأنك لو كررتي الموضوع مش هتفيدي حد ..

فكفاية انك ترفعي الموضوع برد قصير

*احرصي على كتابة مواضيع من أفكارك، وبلاش تنقلي ..

لكن لو اضطررتي للنقل فمتنسيش تكتبي منقول في نهاية الموضوع ..

* لا يسمح بعمل أكثر من نسخة للموضوع الواحد

عشان ما نزحمش المنتدى على الفاضي

كده يا فتوكات عرفنا قوانين المنتدى .. مفيش أحلى ولا أجمل من كده :D:

وبسيطة وسهلة .. وهي دي الشروط اللي عايزينها لما تشتركي معانا .. غير كده مفيش /o.

يارب نشوف البسمة على وشك والفرحة طالعة من قلبك لما تكلمي اخواتك هنا

ربنا ما يحرمنا منكوا

جزاكي الله خيرا
وان شاء الله نتبع القوانين ♥

من طرف **توتة** الجمعة سبتمبر 05, 2014 11:34 am

جزاك الله خيراااااااااااااااااااااااااااااااااااااااااا

من طرف **FaRaH** الجمعة سبتمبر 05, 2014 8:05 pm

جزاكِ الله خيرااا